Sòm 68:1-35
Pou moun k ap dirije mizisyen yo. Yon melodi. Yon chante David te ekri.
68 Se pou Bondye aji pou l gaye ènmi l yo.Se pou moun ki rayi l yo kouri pou li+.
2 Menm jan van fè lafimen disparèt, se pou w disparèt yo.Menm jan lasi fonn nan dife,Se konsa pou mechan yo peri devan Bondye+.
3 Men, se pou moun ki jis yo rejwi+,Se pou yo kontan anpil devan Bondye,Se pou yo kontan anpil anpil.
4 Chante pou Bondye, chante louwanj* pou non l+.Chante pou Sila a k ap pase nan dezè a*.Non li se Ja*+! Se pou nou rejwi devan l!
5 Bondye ki rete kote ki sen an+Se papa timoun ki pa gen papa yo e se li ki pwoteje* vèv yo+.
6 Bondye bay moun ki poukont yo yon kay pou yo rete+.Li libere prizonye yo, li fè tout bagay mache byen pou yo+.Men, moun ki gen tèt di yo* ap viv nan yon peyi ki dezole+.
7 O Bondye, lè w t ap gide* pèp ou a+,Lè w t ap mache nan dezè a, (Sela)
8 Tè a te tranble+,Lapli te tonbe* sot nan syèl la akoz ou menm, o Bondye.Mòn Sinayi te tranble akoz ou menm, o Bondye, Bondye Izrayèl la+.
9 Ou te fè lapli tonbe anpil, o Bondye.Ou te bay pèp* ou a fòs lè yo te fatige anpil.
10 Se la yo te rete nan tant ou yo+.Nan bonte w, ou te bay moun ki pòv yo sa yo bezwen, o Bondye.
11 Jewova bay lòd la.Medam k ap fè konnen bon nouvèl la se yon gwo lame+.
12 Wa yo ansanm ak lame yo+ kouri!E fi ki ret lakay li a jwenn pa l nan bagay yo te pran yo+.
13 Malgre nou menm mesye yo nou te kouche nan mitan pil sann yo ki nan kan an*,N ap pran yon toutrèl ki gen zèl ann ajanE ki gen plim zèl li ki fèt ak bon kalite lò*.
14 Lè Toupisan an te gaye wa nan peyi a+,Lanèj te tonbe nan Zalmon*.
15 Mòn Bazan+ se mòn Bondye*.Mòn Bazan se yon mòn ki gen anpil tèt mòn.
16 Poukisa nou menm mòn ki gen anpil tèt mòn yoN ap gade mòn Bondye chwazi* pou l rete a e n ap fè jalouzi+?Vrèmanvre, Jewova ap rete la pou toutan+.
17 Bondye gen plizyè dizèn milye cha pou l fè lagè, wi, plizyè milye ak plizyè milye+.Jewova soti Mòn Sinayi pou l vin kote ki sen an+.
18 Ou te monte anwo a+,Ou mennen anpil prizonye avèk ou.Ou te pran gason kòm kado+,Wi, menm kèk gason ki gen tèt di+, pou w ka rete nan mitan yo, o Ja, Bondye nou an.
19 Se pou nou louwe Jewova! Se li ki pote chay nou pou nou chak jou+,Se li ki vrè Dye a, Sila a ki ban nou delivrans lan. (Sela)
20 Vrè Dye a se Bondye nou, se li ki delivre nou+.Jewova, Seyè ki Souvren an, sove nou anba lanmò+.
21 Bondye ap kraze tèt ènmi l yo,Wi, l ap kraze zo tèt tout moun ki kontinye ap fè* sa ki mal+.
22 Men sa Jewova di: “M ap fè yo tounen sot Bazan+,M ap fè yo tounen sot nan fon lanmè a,
23 Yon fason pou pye w ka benyen ak san+E pou lang chen w yo ka niche san ènmi yo.”
24 Yo wè moun k ap mache avè w yo, o Bondye,Moun k ap mache avèk Bondye m nan, Wa m nan, pou yo antre kote ki sen an+.
25 Moun k ap chante yo ap mache devan, mizisyen k ap jwe enstriman akòd yo ap mache dèyè+,E jèn fi k ap bat tanbouren yo nan mitan+.
26 Louwe Bondye nan mitan foul moun ki rasanble* yo,Louwe Jewova, nou menm ki egziste grasa Sila a ki se fondatè Izrayèl la*+.
27 Benjamen+, sila a ki pi piti a, ap fè pèp yo soumèt yo,Chèf Jida yo ansanm ak foul moun k ap fè bri yo ap dirije yo tou,Ansanm ak chèf Zabilon yo ak chèf Neftali yo.
28 Bondye w la fè konnen w ap gen fòs.O Bondye, fè yo wè fòs ou, ou menm ki aji nan enterè nou+.
29 Poutèt tanp ou an ki Jerizalèm+,Gen wa k ap pot kado pou ou+.
30 Se pou w metrize bèt sovaj k ap viv nan mitan wozo yo,Pakèt towo bèf+ ak ti bèf yo genyen yo,Jiskaske pèp yo bese byen ba devan w e yo pote ajan ba ou*.Men, li gaye pèp ki renmen fè lagè yo.
31 Y ap pote bagay ki fèt an bwonz* sot ann Ejip+,Etyopi* ap kouri pote kado pou Bondye.
32 Nou menm wayòm ki sou tè a, chante pou Bondye+,Chante louwanj* pou Jewova, (Sela)
33 Chante pou Moun k ap deplase nan syèl ki pi wo a, nan syèl ki la depi lontan an+.Gade! Vwa l tankou yon kout loray, wi, gwo vwa l genyen an.
34 Se pou nou rekonèt Bondye gen fòs+,L ap dirije IzrayèlE pisans li parèt aklè nan syèl la*.
35 Bondye fè moun gen lakrentif ak respè pou li nan kote ki apa pou li a, ki estrawòdinè+.Li se Bondye Izrayèl,Li bay pèp li a fòs ak pouvwa+.Louwanj pou Bondye!
Nòt anba paj
^ Oswa: “fè mizik”.
^ Se kapab tou: “k ap pase sou nyaj yo”.
^ “Ja” se non Jewova yon fason ki kout.
^ Lit.: “jij”.
^ Oswa: “moun ki rebèl la”.
^ Lit.: “lè w te soti devan”.
^ Lit.: “degoute”.
^ Lit.: “eritaj”.
^ Se kapab tou: “nan pak mouton yo”.
^ Oswa: “ak yon lò jòn ki tire sou vèt”.
^ Oswa: “Se kòmsi lanèj te tonbe nan Zalmon”.
^ Oswa: “se yon kokennchenn mòn”.
^ Oswa: “vle”.
^ Oswa: “moun k ap mache nan chemen”.
^ Lit.: “Sous Izrayèl la”.
^ Lit.: “nan asanble”.
^ Se kapab tou: “pèp yo pilonnen ajan yo”.
^ Se kapab tou: “Gen anbasadè k ap”.
^ Oswa: “Peyi Kouch”.
^ Oswa: “Fè mizik”.
^ Lit.: “nyaj yo”.
